बिटकोइन के हो? सबैभन्दा मंहगो मुद्रा बिटकोइनको बारेमा जानिराख्नुस्

इन्टरनेटमा बिटकोइनको बारेमा धेरै चर्चा भएको पाइन्छ तर खासमा बिटकोइन भनेको के हो? यो कस्तो खालको मुद्रा हो भन्ने तपाइलाई थाहा नहुन पनि सक्छ ! सरल भाषामा बिटकोइन भनेको एक डिजिटल मुद्रा हो जुन कम्प्यूटरको माध्यमबाट कारोबार हुन्छ ।

यसलाई हाम्रो खल्तिमा हुने पैसा जस्तो छुन र घरमा राख्न सकिन्न । इन्टरनेटको माध्यमबाट कारोबार गर्न मिल्ने (क्रिप्टोकरेन्सी) मुद्रा बिटकोइनको अविष्कार सन् २००९ मा सातोशी नाकामोटोले गरेका हुन् । नाकामोटो जापानी नागरिक भनिए पनि उनको परिचय अझैसम्म खुल्न सकेको छैन ।

नेपाली रुपैयाँ नेपाल सरकार एवं नेपाल राष्ट्र बैंकद्धारा मान्यता प्राप्त मुद्रा हो भने बिटकोइन कुनै पनि सस्था एवं सरकारद्धारा नियन्त्रित मुद्रा होइन । यो पूर्णरुपमा उपभोक्तामा निर्भर मुद्रा हो ।

यसको मुल्य कति छ?

बिटकोइन पनि मुद्रा भएकोले यसको पनि मुल्य छ । यो हालसम्मकै सबैभन्दा मंहगो मुद्रा पनि हो । यो ब्लग पोस्ट गर्दाको समयमा एक बिटकोइनको मुल्य ६ लाख बढी नेपाली रुपैयाँ हुन आउछ । यसको मुल्य दैनिक उच्च गतिमा बढ्ने क्रममा छ । एक सय पैसाको एक रुपैयाँ भएजस्तै एक बिटकोइन हुन एक अरब सतोशी हुनुपर्छ । सतोशी बिटकोइनको सबैभन्दा सानो इकाई हो ।

कसरी बिटकोइन बन्छ?

माइनिङ अर्थात कम्प्यूटरबाट उत्खनन् गरेर बिटकोइन उत्पादन गरिन्छ । यो उत्पादन गर्न इन्टरनेट, कम्पयूटर र विद्युतको प्रयोग गरिन्छ । कुनै पनि राष्ट्रले आफ्नो अर्थव्यवस्थाको सीमामा रहेर पैसा छाप्ने भएजस्तै यसमा पनि २ करोड १० लाख भन्दा बढी बिटकोइन उत्पादन गर्न सकिदैन ।

हालसम्म करिब १ करोड ७० लाख बिटकोइन उत्पादन भइसकेको छ । बिटकोइन उत्खनन गर्न शक्तिशाली कम्प्यूटर, इन्टरनेट र उच्च क्षमताको विद्युत आवश्यक हुन्छ । कसरी बिटकोइन माइनिङ हुन्छ? भिडियोमा हेर्न सक्नुहुन्छ:

यसको फाइदा के कस्तो छ?

बिना झन्झट बिटकोइनको कारोबार संसारभर गर्न सकिन्छ । यसको मुल्य नियमित उकालो लागिरहेकाले यसमा लगानी गर्नेहरुले अन्य क्षेत्रमा भन्दा चाडो कमाउन सक्छन् ।  यसको कारोबार अनलाइनबाट हुने हुँदा सरकार एवं कुनै पनि निकायले नियमन गर्न सक्दैन ।

यसको बेफाइदा के कस्तो छ?

कुनैपनि बैंक एवं सरकार बिटकोइनप्रति जिम्मेवार नरहेकाले जुनसुकै समयमा यसको मुल्य कम हुनसक्छ र त्यसबाट हुने क्षतिको भागिदार सम्बन्धित व्यक्ति स्वयंम हुनुपर्छ ।

नेपालमा बिटकोइन किन अबैध छ?

नेपालमा बिटकोइनको कारोबार अबैध छ । नेपाल राष्ट्र बैंकले विं स. २०६४ साउन २९ गते प्रेस विज्ञप्ती प्रकाशित गररै बिटकोइन कारोबार गर्नु गैरकानुनी भएको बताइसकेको छ । नेपालमा मात्र नभएर अन्यदेशहरु जस्तै बगंलादेश, भियतनाम, आइसल्याण्ड, बोलिभिया जस्ता देशमा यसको प्रयोग गैरकानुनी छ ।

Bitcoin illigal in Nepal

बिटकोइन कारोबार अज्ञात हुने र अनुगमन असम्भव हुने हुँदा यसको कारोबारलाई रोक लगाइएको हुनसक्छ । साथै अर्को कारण कालो धन बिटकोइनमा लगानी गरेर अन्य देशमा लैजान सहजै सकिने हुँदा पनि यसको कारोबार बैध नभएको हुनसक्छ ।

कर छली, लागुऔषध, तस्करी जस्ता अपराध बढ्न सक्ने डरले पनि नेपालमा बिटकोइनको कारोबार अबैध गरिएको हुनसक्छ ।

Leave a Reply