टाइप गरेर मात्र हैन अब हेरेरैं ट्रान्सलेट

गुगलको प्रभावकारी सेवा गुगल ट्रान्सलेटले विश्वको ९० वटा भाषालाई बुझ्न र बुझाउन दोभाषेको काम गर्दै आएको छ । सन् २०१३ देखी नेपाली भाषालाई पनि गुगलले ट्रान्सलेट लिष्टमा राखेसँगै यसबाट लाभ लिनेहरु प्रसस्तै छन् । 
कम्प्युटर, मोबाइल लगायतको स्त्रिनभित्रको शब्दहरुलाई मात्रै ट्रान्सलेट गर्दै आएको गुगल ट्रान्सलेटले अब आँखाले देख्ने शब्दहरु क्यामराको माध्यमबाट चाहिएको भाषामा ट्रान्सलेट गरेर बुझ्न सक्ने फिचर हालै ल्याएको छ । 
फोटो: टेकक्रन्च
भाषाको समस्या हुने देशको भ्रमण एवं त्यस्ता देशबाट उत्पादित सामाग्रीहरुमा लेखिएको शब्दहरुलाई बुझ्न गुगल ट्रान्सलेटले सहयोग गर्नेछ । जस्तो अरब मुलुकको भ्रमणमा निस्कदै गर्दा ती देशमा लेखिएका सुचना एवं जानकारीहरु मोबाइलकै माध्यमबाट ट्रान्सलेट गरेर बुझ्न सकिन्छ । 
गुगलको प्ले स्टोरमा मात्र हालसम्म १० करोडभन्दा बढी पटक डाउनलोड भइसकेको ट्रान्सलेट एपले यो नयाँ सुविधा भने अहिले २७ वटा भाषामा मात्र उपलब्ध गराएको छ । यसमा नेपाली भाषासुचिकृत छैन । आशा गरौं चाडौ नेपाली भाषीलाई पनि गुगलले माया गर्नेछ । 
भिडियोमा हेर्नुस् गुगल ट्रान्सलेटको नयाँ फिचरले यसरी भाषाहरु ट्रान्सलेट गरेर बुझ्न सहयोग गर्ने रैछ ।  

Leave a Reply